@DateMon-FriDate@
@Time12:00-13:00Time@
 |
រឿង គំនុំកូនភ្លោះ
ស្ថានីយទូរទស្សន៍កងយោពលខេមរភូមិន្ទបុស្ដិ៍លេខ៥ នឹងចាក់ផ្សាយរឿងភាគថៃថ្មីដែលមានចំណងជើងថាគំនុំកូនភ្លោះ ដែលរឿងនេះនិយាយអំពីឪពុកម្តាយរបស់ នឿង និង សុង បានលែងលះគ្នាតាំងពីតូច។ ម្តាយយកកូនភ្លោះច្បងឈ្មោះ នឿង ចំណែកឪពុកយកកូនភ្លោះឈ្មោះ សុង ។ កូនភ្លោះនេះមានបុគ្គលិកលក្ខណៈខុសៗគ្នា ដោយសារតែការចិញ្ចឹមបីបាច់ថែរក្សា នឿង នាងមានជីវភាពក្រីក្រ ហើយត្រូវបានចិញ្ចឹមដោយម្តាយ និងឪពុកចុង។ នាងមានទំនុកចិត្តលើខ្លួនឯង ខូច និងចូលចិត្តសប្បាយ ជាពិសេសជាមួយបុរសជាច្រើន។ ចំណែកសុងវិញ តាំងពីឪពុកនាងស្លាប់មក នាងត្រូវបានម្តាយមីង និងពូរបស់នាង ចិញ្ចឹមបីបាច់ថែរក្សានាង និងមានផ្ទះស្រលាញ់។ សុងជានារីស្លូតបូត ស្លូតត្រង់ និងស្រស់ស្រាយ ។
ពេលនាងនឿងមានបញ្ហាជាមួយ អាត ដែលជាប៉ូលីស គាត់ចាប់ផ្តើមសង្ស័យនាងជាច្រើនរឿង។ គាត់កាន់តែមានការងឿងឆ្ងល់នៅពេលដែលគាត់បានឃើញថាគូដណ្តឹងរបស់បងប្រុសគាត់គឺជានារីដូចគ្នាដែលគាត់បានជួបពីមុន ប៉ុន្តែអ្វីដែលគាត់មិនដឹងនោះគឺថាមិនមែនជានឿង វាគឺជាសុង... ប៉ុន្តែ សុង គឺជាអ្នកដែលត្រូវបានគេសង្ស័យ និងស្តីបន្ទោសចំពោះរឿងនេះដោយ អាត.
រឿងគំនុំកូនភ្លោះ នឹងមានចាក់ផ្សាយរៀងរាល់ថ្ងៃច័ន្ទដល់ថ្ងៃសុក្រ វេលាម៉ោង 12:00 ដល់ 13:00 នៅកញ្ចក់ទូរទស្សន៍បុស្ដិ៍លេខ៥ ។
