តុពិភពគុណ (Fighter Table)

សិល្បៈក្បាច់គុនមានច្រើនទម្រង់ មានច្រើនប្រភេទ ទៅតាមវប្បធម៌របស់បណ្តារប្រទេសនីមួយៗ។ ប្រជាជាតិដែលជាម្ចាស់ បានខិតខំអភិរក្ស និងផ្សព្វផ្សាយដោយប្រឹងប្រែងបង្ហាញ សម្តែង សម្ញែងបង្អួតគ្នា ទើបបង្កើតអោយមានការប្រកួតមិត្តភាព ប្រកួតសហព័ន្ធ កីឡាស៊ីហ្គេម ឬកីឡាអូឡាពិចជាដើម។

ដើម្បីជាវេទិការ និងបង្កើតអោយមានកិច្ចសន្ទនា រវាងអ្នកគុននិយម ឬអ្នកជំនាញ ស្ថានីយ៍ទូរទស្សន៍កងយោធពលខេមរភូមិន្ទប៉ុស្តិ៍លេខ៥ បានបង្កើតកម្មវិធីថ្មីមួយដែលមានឈ្មោះថា តុពិភពគុន ដើម្បីជាឱកាសដល់កីឡាករ អ្នកហ្វឹកហាត់ គ្រូបង្វឹក និងអ្នកចូលចិត្តវិស័យក្បាច់គុណអាចកាន់តែជិតស្និទក្នុងការឈ្វេងយល់អោយស៊ីជម្រៅ ពីក្បាច់ស្នៀត សិល្បៈ និងការតស៊ូរបស់ម្ចាស់ក្បាច់គុននីមួយៗ។

ពីកម្មវិធីផ្ទាល់ ពិធីករមានសាច់ សម្បុរខ្មែរអង្គរលោកពូម៉ា តែងតែនាំមកនូវទស្សនីយភាពសិល្បៈក្បាច់គុន ដែលបានផ្ទេរ និងអ្នកស្នងមរតកក្បាច់គុនដែលកំពុងហ្វឹកហាត់យ៉ាងស្វិតស្វាញ។ ក្នុងវគ្គទី១ គឺជាព័ត៏មានថ្មីៗស្តីពីកីឡា វេទិកាប្រកួតទាំងថ្នាក់ជាតិ និងអន្តរជាតិដែលកំពុងទទួលបានការចាប់អារម្មណ៍។ ចំណែកឯវគ្គទី២ និងទី៣ គឺជាការនាំទស្សនិកជនអោយបានឃើញទិដ្ឋភាពផ្ទាល់ ទោះបីមិនបានទៅដល់តែអាចជ្រាបពីការហ្វឹកហាត់ ការតស៊ូរបស់កីឡាករនីមួយៗ។ មិនតែប៉ុណ្ណោះនៅវគ្គនេះសំខាន់ណាស់ គឺជាការចែករំលែកបទពិសោធន៍របស់អ្នកជំនាញខាងក្បាច់គុន ពីព្រឹទ្ធាចារ្យក្បាច់គុន និងការទទួលខុសត្រូវប្រកបដោយការលះបង់ក្នុងវិស័យមួយនេះ។

ដូច្នេះបើសិនជាមិនទាន់បានទស្សនា ឬជ្រួតជ្រាបថា តុពិភពគុន មានអត្ថន័យយ៉ាងណា មានខ្លឹមសារយ៉ាងដូចម្តេច សូមកុំភ្លេចរងចាំតាមដានទស្សនាការចាក់ផ្សាយលើកញ្ចក់ទូរទស្សន៍ប៉ុស្តិ៍លេខ៥ និងលើហ្វេសប៊ុកតុពិភពគុន នៅរៀងរាល់ថ្ងៃសៅរ៍ ចាប់ពីវេលាម៉ោង៥នឹង៣០នាទីល្ងាចតទៅ។ 

ទំនាក់ទំនងផ្សព្វផ្សាយពាណិជ្ជកម្មក្នុងកម្មវិធីមកកាន់ប្រធានផ្នែកទីផ្សារ +855 10 555 666

កម្មវិធី